Notísia foun


DILI—Prezidente Repúblika Francisco Guterres Lú Olo afirma, Primeiru Ministru Taur Matan Ruak ho nia governu daualu sei mantein nafatin ho funsaun no kompeténsia tomak.

“Ha’u hakarak fó sai dala ida tán katak iha situasaun susar ne’ebé ita hasoru daudaun Primeiru Ministru no VIII Governu sei mantein nia funsaun  no kompeténsia tomak,” Lú Olo sublina iha nia mensajen ba povu no nasaun iha Palásiu Prezidensiál Nicolau Lobato, Bairro-Pité, Dili, Kuarta (08/04/2020).

Lú Olo hatete, nia haksolok tebes tanba povu tomak no forsa polítika sira hatudu mós sira-nia apoio tomak ba governu daualu no ba Primeiru Ministru hodi kombate coronavírus.

“Tuir ita nia Konstituisaun Governu mak órgaun soberania ho  kompeténsia atu fo resposta ba situasaun sira hanesan ita hasoru daudaun. Medida hotu ne’ebé Señor Primeiru Ministru hola, tuir kompeténsia konstitusional ne’bé nia iha, sei hetan apoiu husi Prezidente Repúblika. Prezidente Repúblika husu nafatin ba Povu tomak, sidadaun ida-idak, organizasaun hotu, privadu no públiku no instituisaun tomak hodi kolabora nafatin ho responsabilidade ho VIII Governu,” Lú Olo hatete.

Parlamentu nasionál aprova ona orsamentu tokon atus rua limanulu (250) hodi hasoru situasaun emerjénsia. Ida ne’e nu’udar sinal pozitivu ida hodi fo reforsu ba kapasidade governu nian. Prezidente Repúblika husu no fiar katak Konsellu Jestaun Fundu Covid-19 no governu sei uza osan ida ne’e hodi fó resposta ba nesessidade urjente ita-nia Povu nian. Tuir artigu 109 husi Konstitisaun, Estadu tenke iha rezerva finanseira obrigatória. Rezerva ida ne’e atu uza wainhira ita presiza hodi proteje Povu iha situasaun susar hanesan ita hasoru daudaun. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,326
  • Page views today : 2,244
  • Total visitors : 74,258
  • Total page view: 103,502

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur