Notísia foun


DILI—Artista senior timoroan nu’udar kantór koñesidu ba múzika “Karimbala” ho “Mate Hotu Ona” ho naran Rogerio “Oggy Ozman” hakotu iis iha Hospital Nacional Guido Valadares (HNGV), iha loron Segunda (30/03/2020) maizumenus oras, tuku sia kalan, tanba moras komplikasaun rins (ginjal).

Oggy nu’udar kantór ne’ebé populariza mos múzika Historia Itrua Nian,  Oinsá Los O Nia Hakarak no koñesidu dirize serimónia boot sira (Master of Ceremony/MC) iha nivel nasionál no internasioná.

Oggy mós hetan prémiu husi televizaun nasionál Indonézia (TVRI) nu’udar artista husi Timor ne’ebé reprejenta governu Indonézia ba kanta iha Portugál.

Madalena Carlos Pereira nu’udar Oggy nia kolega no alunu estuda Portugués iha Embaixada Portugál iha Jakarta iha tempu okupasaun Indonézia, hakfodak tebes rona notísia triste ne’e.

“Nia ha’u nia aluno estuda Portugues ho ha’u iha Embaixada Portugal Jakarta para bele kanta múzika Portugués iha Indonézia. Ha’u sente lakon tebes ho Oggy husik hela ita hotu,” Madalena expresa nia sentimente triste.

Madalena haktuir, iha Jakarta iha momentu ne’eba, Oggy sempre kanta nia múzika favoritu ho tíulu “Escreve Uma Carta Meu Amor”. Oggy lori naran Indonézia ba kanta múzika ne’e iha Portugál no halo ema barak iha Jakarta gosta no familiar tiha ho múzika ne’e.

“Kuandu iha festa timoroan nian iha Jakarta, Oggy kanta no MC, nia ha’u nia pasangan favorit dansa,” Madalena haktuir. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,716
  • Page views today : 2,503
  • Total visitors : 83,689
  • Total page view: 117,546

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur