Notísia foun


DILI—Adriano do Nascimento úniku deputadu husi bankada Partidu Demokrátiku (PD) ne’ebé forma koligasaun foun ho CNRT, KHUNTO, UDT, FM no PUDD, tabik ho bankada sira apoiu governu lideradu Primeiru Ministru Taur Matan Ruak (TMR) ho nia vota a favor ba pedidu urjénsia ba alterasaun Lei Orsamentu Jestaun Finanseiru (LOJF).

Maske nune’e, rejultadu votasaun ba LOJF ne’ebé hala’o iha plenária Parlamentu Nasionál, Kuarta (25/03/2020), a favor 31, kontra 33 no abstensaun 0. Inkuantu deputadu Sabino Guntur husi bankada PLP maka la partisipa iha okajiaun ne’e.

Husi rejultadu votasaun ne’e hatudu pedidu urjénsia ba debate LOJF la hetan aprovasaun. Nune’e meza baixa fali ba komisaun kompetente hodi prepara hikas relatóriu no halo debate normal iha plenária Parlamentu Nasionál.

Antes ne’e mosu isu kona-ba deputadu sira iha koligasaun foun sei halai sai husi prinsípiu partidu nian iha parlamentu nasional, nune’e mosu mós dúvida ba koligasaun foun lideradu Prezidente CNRT Kayrala Xanana Gusmão atu garante estabilidade governativa iha governu dasia.

Fonte kredivél Timor Post iha koligasaun foun  afirma, bazeia ba lei partidu polítiku, ba deputadu ne’ebé viola prinsípiu partidu nian sei hetan sansaun no hasai nia estatudu nu’udar deputadu iha Parlamentu Nasionál. Nune’e, nia dehan, saida mak deputadu Adriano hatudu dadauk ne’e hanesan sinál ida ne’ebé bele hetan atensaun sériu iha koligasaun nian laran liuliu husi partidu demokrátiku.

To’o notísia ne’e hatun, Timor Post seidauk hetan konfirmasaun ho deputadu Adriano kona-ba rajaun husi nia hola pozisaun mesak iha votasaun ba pedidu urjénsia ba alterasaun LOJF. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 457
  • Page views today : 558
  • Total visitors : 193,929
  • Total page view: 280,312

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur