Notísia foun


DILI—Koligasaun foun ne’ebé forma husi partidu CNRT, PD, KHUNTO, UDT, FM no PUDD sei la fó fatin ba kualker tentativa hodi forma governu dasia ho violasaun ba Konstituisaun Repúblika Demokrátika Timor Leste (K-RDTL).

Koligasaun foun ne’ebé prienxe maioria parlamentar lideradu Prezidente CNRT Kayrala Xanana Gusmão afirma pozisaun ne’e iha konferénsia ba imprensa ne’ebé hala’o iha Sede Nasionál CNRT, Bairro dos Grilhos, Dili, relasiona ho situasaun polítika atuál, iha ne’ebé Prezidente Repúblika Francisco Guterres Lú Olo seidauk foti desizaun hodi hakotu lalais impase polítika iha rai laran.

Tuir mai akompana kompletu Komunikadu ba Imprensa:

Koligasaun Maioria Parlamentar

Ohin dia 24 fulan Março tinan 2020 Koligasaun Maioria Parlamentar kompostu husi Partidu Congresso Nacional para a Reconstrução de Timor (CNRT), Partidu Khmanek Haburas Timor Oan (KHUNTO), Partido Democratico (PD), Partidu Unidade Desenvolvimento Democratico (PUDD), Partido Frente Mudança (FM), Partido União Democratica (UDT) liu husi Konferênsia da Imprensa hato’o ba Povu Timor-Leste:

  1. Koligasaun Aliansa Maioria Parlamentar (AMP) ho koinjuntura foiun nebe lideradu husi Presidente Partido CNRT Maun Boot Kay Rala Xanana Gusmão nebe Ofisialmente hamrik iha loron 22 fulan fevereiro tinan 2020 kompostu hosi nudar resposta Partidus Politikus nen (6) nian ho objetivu atu hatan ba resultadu enkontru Lider Nacionais sira hamutuk ho SE Presidente da Republica nebe halao iha loron 10 fulan fevereiro liu ba dadaun iha Palacio Presidencial Aitarak laran;
  2. Koligasaun AMP foun nee hamrik hodi oferece alternativa ba Exia PR no apresenta disponibilidade hodi forma IX Governo iha loron 6 fulan Março tinan 2020. Iha sorumutu ho Exia PR iha troka hanoin positivu entre PR ho Presidente Koligasaun hodi mos lori PR husu atu Koligasaun kompleta Rekezitus tuir artigo 9, Lei dos Partidos Politicos nebe regula atu membru Partidu Koligasaun sira halao sira nia konferensias ka kongresu hodi ofisializa Partidu sira nia adezaun, iha koligasaun nee;
  3. Iha loron 10 fulan Março, koligasaun foun hatama hikas fali Karta Koligasaun nian ba PR hodi mos indigita MB Kay Rala Xanana Gusmao nudar Primeiru Ministru no ohin kompleta ona semana rua maibe Presidente da Republica seidauk pronunsia buat ida tuir artigu 106 Konstituisaun RDTL nian, no Koligasaun mos seidauk simu nein informasaun ida husi Gabinete Presidente da Republica kona ba enkontru da ruak ho Presidente da Republica.

Ho cronologia nebe ami hato’o, mak ohin Koligasaun hakarak realiza Konferensia da Imprensa ida ne’e hamutuk hodi reafirma:

  1. Koligasaun sólidu hela no Presidente Partidu ida-idak nafatin sei komprometidu iha Koligasaun laran.
  2. Deputadus Bankada Ida-idak nian agora kordena malu ho harmonia iha debates hotu nebe lao iha Parlamento Nacional;
  3. Koligasaun nafatin hein PR nia desizaun no Koligasaun sei iha fiar katak PR sei halao nia knar nudar artigu 74 Konstituisaun da Republika katak PR maka chefe estado no garante nasaun nia independência, estadu nia unidade no instituisaun demokratika sira nia funcionamentu regular. Ho ida ne’e PR sei tau as situasaun Impase Politika nudar prioridade hodi bele hola ona desizaun ida justu ho base ba Konstituisaun da Republika hodi hakotu ona Impasse Politika no resolve problemas nebe mak nasaun hasoru hela Virus Corona, Inundasaun nebe afeta tebes populasaun iha Dili no normalizasaun desenvolvimentu pais nian hodi responden ba nesesidades urgentes povu nian.;
  4. Koligasaun mos hakarak afirma katak, aktus Koligasaun ne’e halo atu respode ba situasaun politika no krize mundial nebe oras ne’e ita nia nasaun doben Timor-Leste hasoru.  Tanba koligasaun hare no fiar katak atu responde ba situasaun ne’e presiza tebes lideransa forte ida hodi nune’e bele lori pais ida nee sai hosi situasaun susar ida ne’e.
  5. Koligasaun mos afirma katak deklarasaun Sec. Geral Partidu Fretilin nian nebe hateten katak Plataforma de entendimentu nebe mak halo entre Fretilin ho PLP iha loron sabadu, 21 fulan Marsu sei hetan mos apoio husi deputadus balun iha Parlamentu Nasional, tentativa ida hodi forma Governu Minoria. Tanba nee maka Koligasaun Partidu neen (6) nian hakarak afirma ho klaru katak Koligasaun liu hosi Bancadas Parlamentar iha Parlamentu Nasional sei la fo fatin ba kualker tentativa atu forma Governu Minoria ida. Ida ne’e klaramente viola prinsipius Konstitusionais Pais ne’e nian (Artigo 106 Konstituisaun RDTL) no sei lori rai doben Timor-leste ba situasaun inserteza politika ida nebe naruk ho konsekuensias negativas (hatodan tan deit sofrimentu) ba povu doben ida ne’e nune’e mos bele loke dalan  ba EA.
  6. Koligasaun mos kondena Deklarasaun Secretario Geral Partidu Fretilin nebe dehan sei konvense Deputadus hosi Koligasaun AMP nian atu fo apoiu ba iha tentativa Partidu Fretilin-PLP hodi forma Governu Minoria ne’e hanesan tentative atu hafahe Koligasaun no mos hamate deputadu Koigasaun nia kareira politika iha nia partidu rasik, basa Koligasaun sei hamutuk foti asaun ba deputadu nebe viola prinsipio koligasaun tuir Lei Eleitoral ba Paralmento Nacional artigu 16 perda do mandate nebe hateten:

“o deputado ao Parlamento Nacional, eleito em lista apresentada por partido ou Coligaçao partidaria perde o respetivo mandate nos seguintes casos:.

Viola a disciplina da BAncada Parlamentar em que se encontra integrado nos termos dos estatutos do partido politico a que pertence…

Deputado ne sei lakon nia estate bainhira viola disciplina bankada parlamentar nebe nia pertence

Koligasaun liu hosi meio ida nee hatoo

  1. ba Presidente Republika hodi konsidera prosesu hotu-hotu nebe PR rasik halao inklui aseita demissaun ba Primeiru Ministru tuir artigu 112 Konstituisaun RDTL ho nune’e loke ona ba formasaun IX Governu Konstitucional tuir artigu 106 Konstituisaun da Republika hodi responde ba situasaun ne’ebe pais hasoru hanesan Corona Virus no Inundasaun nebe akontese dadaun ona ne’e.                                                                        Obrigado
Please follow and like us:

NOTÍSIA FOUN

Site Statistics

  • Users online: 4 
  • Visitors today : 823
  • Page views today : 1,041
  • Total visitors : 44,467
  • Total page view: 60,372

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur