Notísia foun


DILI—Sekretaria Estadu Formasaun Profesional no Empregu (SEFOPE) foti ona desizaun provizoriamente hapara haruka traballadór timoroan ba Austrália no Korea Súl relasiona ho pandemia virus corona ka COVID-19 ne’ebé sai preokupasaun mundiál.

Sekretáriu Estadu Julião da Silva hatete, desizaun ne’e foti mós tanba Austrália ho Korea Súl mós foti ona medida sira kona-ba prevensaun COVID-19. Tanba ne’e, ba Timor Leste presiza hein desizaun foun kona-ba movimentasaun iha nasaun rua ne’e nian.

“Agora ita hein hela, hein hela governu Austrália no Korea Sul fó tiha lai karta ida mai lai para depois hodi hatete bele tama ou haruka traballador sira bele tama ga la’e,” Julião hatete ba Timor Post bainhira partisipa limpeza Jerál iha Taibesi, Kuarta (18/03/2020).

Entretantu kona-ba traballadór timoroan ne’ebé durante ne’e hala’o hela servisu iha rai rua ne’e, Julião dehan, servisu di’ak hela más kuandu area ne’ebé sira hela ba ameasadu tebes maka governu sei esforsu hodi haruka sira fila mai Timor.

“Lae sira (Traballador) la mai, i naun ser area ne’ebé ke sira iha ba ne’e ameasadu los ou risku ona entaun governu rua sei buka para atu bele karantina ou desloka sira mai Timor,” nia hatutan.

Nia salienta tan, Daudaun ne’e provinsia ida iha Korea mak afeta ona COVID-19 maibé ita nia maluk sira seguru hela.

“Ita nia sidadaun na’in 17 ne’e hela do’ok maski hela iha provinsia Hanesan Maibé Hanesan ezemplo karik sira hela iha Lospalos más virus ne’e iha tiha Suai ne’ebá, ne’ebé distansia do’ok,” Nia Informa

Alende ne’e Julião hatete,  foin lalais ne’e haruka ekipa ida ba Australia tanba kazu disputa laboral entre trabllador ho ajénsia la’ós ba tanba kazu virus no ikus nia dehan, liga-ba maluk sira iha Korea embaixada Timor kontinua tau matan akompaña nafatin sira iha ne’ebá. (ato)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,259
  • Page views today : 1,804
  • Total visitors : 80,511
  • Total page view: 112,885

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur