Notísia foun


DILI—Prezidente Repúblika Francisco Guterres Lú Olo liuhusi Xefe Kaza Sivíl Francisco Vasconcelhos hahú buka hatene kona-ba preparasaun governu Timor Leste nian kontra virus corona molok deklara estadu emerjénsia tuir pedidu husi governu.

Vasconcelhos iha loron Tersa (17/03/2020) ba hasoru malu ho Primeiru Ministru Taur Matan Ruak iha Palásiu Governu, Dili hodi aleinde buka hatene governu nia preparasaun no buka oinsá maka bele servisu hamutuk hasoru situasaun global ida ne’e.

Entretantu iha loron hanesan Palásiu Governu hasai komunikadu ba imprensa hodi husu komunidade sira atu labele pániku relasiona ho planu governu nian ne’ebé solisita Prezidente Repúblika atu dekreta Estadu Emerjensia relasiona ho pandemia Koronavírus ka KOVID 19.

Komunikadu ne’ebé Timor Post asesu haktuir, objetivu hosi Estadu Emerjensia nian ne’e mak, limita de’it movimentasaun ema nian, hodi evita sirkulasaun surtu KOVID-19, enkuantu importasaun sasán nesesidade báziku sira, material konstrusaun no medikamentu nian kontinua la’o hanesan baibain.

Governu liuhosi Ministru Kordenadór ba Asuntu Ekonómiku, Fidélis Leite Magalhães iha segunda semana ne’e konvoka ona enkontru Jeral ida ho dirijente AIFAESA, Sentru Lojístiku Nasionál (CLN sigla portuges) no Ajénsia Importadór sira, oinsá halo preparasaun di’ak atu asegura katak nesesidade báziku kontinua sírkula normal iha merkadu sira, no vida ekonomia kontinua la’o normal.

Iha enkontru ne’e, CLN relata katak stock nasionál sei seguru hela, karik iha kazu nesesáriu tebes atu blokeiu, garante ekonomia rai-laran sei la’o aguenta to’o fulan 4 oin mai.

Parte AIFAESA ho ajénsia importador sira sei halo kontrolu ne’ebé rigor ba armazén no loja sira atu nune’e evita importador ka loja na’in sira hasa’e folin.

Komunidade/komprador sira ne’ebé mak ba sosa sasán iha loja sira, karik haree folin la razoável, bele hato’o keixa ba parte kompetente hanesan Polísia ou AIFAESA atu sira bele tun intervein hodi fó sansaun ba loja nain refere, tanba Governu sei la tolera importadór ka loja na’in sira ne’ebé aproveita oportunidade buka lukru ba an rasik iha situasaun emerjensia nia laran. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 168
  • Page views today : 235
  • Total visitors : 80,835
  • Total page view: 113,363

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur