Notísia foun


DILI—Tahu dodok ne’ebé mota boot Maloa nian naresin no nakfakar ba sasurut Palásiu Prezidensiál Bairro-pité, Dili, iha loron Sexta (13/03/2020) bainhira udan ho velosidade maka’as kuaze oras rua, to’o loron Segunda (16/03/2020), nakfilak ba rai rahun kontinua invade uma fukun ba xefe estadu ne’e.

Observasaun Jornalista Timor Post haktuir, hahú iha loron Sábadu to’o Domingu funsionáriu no bombeiros sira hamoos no tiru sai ho bee tahu dodok iha fatin ne’eba maibé sura ba loron tolu ona tahu dodok ne’e sai fali rai rahun tanba loron durante loron hirak nia laran.

Dalan dirasaun súl no norte ba palásiu prezidensial kontinua taka hodi fó biban ba atividade limpeza ne’ebé kontinuna. Iha palásiu nia oin moos ona, iha sorin ba leste maka tahu sei nakonu to’o estrada rai rahun maka’as tebes.

Funsionáriu palásiu nian fahe ba rua, balun servisu normal iha edefísiu laran, seluk tun ba ajuda hamos iha aredor palásiu nian.

Relasiona ho dezastre ne’e, ajenda Prezidente Repúblika Francisco Guterres Lú Olo nian ne’ebé nakloke ba mídia sira laiha iha loron Segunda (16/03/2020).

Entretantu total uma kain ne’ebé sai vítima ba inundasaun iha loron ne’e 1105 no ema hamutuk 6700 husi suku 12 iha Dili laran. Dadus ne’e barak liu iha Suku Santa Kruz hamutuk ema na’in 2100 no Bekora 1750. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,227
  • Page views today : 1,704
  • Total visitors : 147,979
  • Total page view: 212,332

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur