Notísia foun


DILI—Depois halo manutensaun hahuu husi loron 1 Fevereiru 2020 tanba presija halo  substituisaun peças  repojisaun hanesan  Advance Graffic Module (AGM) no Starter Generator, aviaun ZEESM Twin Otter 400 sei semo hikas   fali iha loron  9 Marsu 2020 ho  presu ne’ebe asesível  tebes ba  níveis sosiedade no entidades hotu.

Komunikadu ba imprensa ne’ebé Timor Post asesu husi Mídia ZEESM nian iha loron Domingu (08/03/2020) haktuir, redusaun presu billete Aviaun ZEESM ne’ebe mais estavel hodi bele suporta movimentu ba sidadaun sira ba munisipiu Oé-Cusse ne’ebe antes ne’e ho folin $65 – $75 Dili – Oé-Cusse sei tun ba $25. Nune’e mos presu billete Dili – Suai ne’ebe antes ne’e ho presu  $41 – $51 sei redus ba presu $25.

Redusan presu billete nu’udar politika hodi motiva elementus  sosiedade hotu inklui mos emprezárius sira ne’ebe hakarak  investe iha  Oe-Cusse no Suai. Iha parte seluk, redusaun presu bele  aumenta vizita  turistas mai Oé-Cusse nu’udar kumprimisu polítika Prezidente Autoridade RAEAO-ZEESM, Jose Luís Guterres konaba  promosaun riqueza natural potensiais ne’ebe mak sai propriedade  Oé-Cusse nian.

Antes ne’e, ekipa teknika husi Gabinete Prezidente Autoridade RAEOA-ZEESM TL, halao ona konsultasaun ho ATCO konaba  lisensiamentu hodi  permiti Autoridade Nasional  Aviasaun hodi  regula no kontrolu tráfegu aéreo iha Timor Leste,  inklui mos redusaun ba presu billete husi Aviaun ZEESM Twin Otter 400 ne’ebe sei  akomoda total  pasajeirus hamutuk 19 pesoas. (*/cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 184
  • Page views today : 239
  • Total visitors : 78,190
  • Total page view: 109,550

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur