Notísia foun


DILI—Sekretáriu Jerál FRETILIN Marí Bim Amude Alkatiri hatete, nia la’ós assessor ba Prezidente Repúblika Francisco Guterres Lú Olo. Tanba ne’e, nia dehan, la hatene kona-ba kestaun ne’ebé xefe estadu koloka ba koligasaun foun ne’ebé lidera husi Prezidente CNRT, Kayrala Xanana Gusmão.

“Ha’u la’ós assessor ba prezidente repúblika, ha’u la’ós assessor ba ema ida. Ha’u Sekretáriu Jerál FRETILIN,” Alkatiri hatete ba Jornalista sira hafoin partisipa iha serimónia abertura kongresu nasionál daruak partidu KHUNTO nian, iha CCD, Sexta (06/03/2020).

Liga ba koligasaun foun ba formasaun governu dasia, Alkatiri foti ezemplu husi tema kongresu KHUNTO nian “Hahoris no Moris” hodi dehan, kuandu hahoris mate tiha ona, hanesan de’it.

“Iha ne’e (tema kongresu KHUNTO) dehan, Hahoris no Moris. Kuandu hahoris mate tiha ona, hanesan de’it,” Alkatiri subliña kestaun ne’e relasiona ho koligasaun CNRT, PLP ho HUNTO ne’ebé hahoris governu daualu monu tiha ona. Nune’e nia la fi’ar ba estabilidade konvernu foun ne’ebé forma husi CNRT, PD, KHUNTO, UDT, FM ho PUDD.

Entretantu Primeiru Ministru atual Taur Matan Ruak aprejenta tiha ona pedidu rejignasaun ba prezidente repúblika iha loron Tersa (25/02/2020). Liu ona semana hirak prezidente repúblika seidauk dekreta pedidu rejignasaun ne’e.

Governu daualu lideradu Taur Matan Ruak monu tanba orsamentu jerál estadu 2020 nian xumba iha parlamentu nasionál hafoin CNRT la a favor. Koligasaun ne’ebé hahoris governu daualu maka CNRT, PLP no KHUNTO liuhusi eleisaun antesipada 2018.

Rajaun CNRT fó pozisaun ne’e tanba nia membru na’in hitu durante tinan rua governu daualu la hetan pose husi prezidente repúblika. No konsidera governasaun Taur Matan Ruak laiha kapasidade. (cao)

 21 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur