Notísia foun


DILI—Sekretáriu Jerál Partidu FRETILIN, Marí Bim Amude Alkatiri afirma, ita tempu rejisténsia timoroan sira luta ba liberta pátria, no iha tempu liberdade líder polítiku sira ba kaer ukun atu liberta povu husi ki’ak no mukit la’ós liberta ida-idak nia-án.

“Ita uluk dehan atu liberta pátria depois liberta povu la’ós liberta patria depois liberta ita nia-án,”  Alkatiri nu’udar mós líder nasionál nune’e mós líder FRETILIN hato’o mensajen ne’e hafoin partisipa selebrasaun loron veteranu ba datolu iha palásiu Governu, Dili, Tersa (03/03/2020).

Alkatiri subliña, selebasaun loron veteranu ne’e espesiál tebes nu’udar oportunidade ba veteranu sira halo reflesaun ba atu hatudu nafatin vontade no hatutan eroi sira ne’ebé mak fó-án ba mate hodi defende libertasaun nasionál.

“Loron veteranu signifika loron eroi sira nian, la’ós de’it ami ne’ebé sei moris ne’e nia loron la’e. Ne’e loron rekoñesimentu ema sira ne’ebé fó-án ba mate, ema fó sakrifisiu tomak tanba atu serví povu,” Alkatiri salienta.

Nia hatutan, sira nu’udar jerasaun tuan lori ona prosesu ne’e to’o ohin loron, tenke kontinua nfatin bainhira sei iha forsa, no ba jerasaun foun sira atu brani ho matenek hodi lori povu no nasaun ba moris di’ak liu iha futuru.

“Ne’e husu ba sé mak ukun durante tinan sanulu resin rua ka tolu ikus mai ne’e, halo nusa mak husik veteranu balun sei marjinalizadu,” Alkatiri dehan. (ato)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,184
  • Page views today : 1,686
  • Total visitors : 32,394
  • Total page view: 44,544

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur