Notísia foun


DILI-Universidade Nasionál Timor Lorosa’e (UNTL) liuhusi Pro-reitoria ba Asuntu Kooperasaun nian servisu hamutuk ho Governu Estadus Unidus Amérika (EUA) estabelese Uma Amérika Corner (UAC) iha UNTL, nu’udar sentru-aprendizajen hodi hala’o diskusaun, peskiza, no promove kompeténsia iha Língua Ingleza ba estudante tuan inklui estudante foun sira.

Tuir informasaun Timor Post, asesu hosi pájina facebook UNTL, sesta (28/02), Diretór Uma America Ezequiel de Jesus Ribeiro, iha Kampus Ekonomia I Jestaun (FEJ) hato’o ba estudante sira ne’ebé ladauk asesu ba UAC, bele ba vizita nia fatin iha Kampus FEJ, liuliu ba sira ne’ebé hakarak atu peskiza no hetan referénsia.

“Ita bele haree, universidade nasionál nia estudante sira maka sempre asesu no mós públiku ne’ebé iha interese bele asesu, no ami monitoriza sira hodi foka ba sira peskiza, labele asesu youtube, barullu no seluk tan”, hateten Diretór

Entretantu UNTL nia estudante Angela l. Vitoria Vong, husi Fakuldade Medisina, I Siénsia Saúde (FMSS), Departamentu Nutrisaun Dietétika, hatete UAC fó vantajen di’ak tanba bele asesu informasaun sira kona-ba bolsu estudu nian no seluk tan.

“Liuhusi fatin ida ne’e, ami bele hetan koñesimentu di’ak no prepara an hodi aplika ba bolus estudu, iha ne’e mós ita bele asesu ba libraria sira no mós iha internet hodi halo peskiza ba traballu sira”, tenik Vong.

Bazeia ba dadus UAC nian hatudu katak fulan ida, vizitante hamutuk na’in 600 to’o 1000 mak ba asesu.

Benefísiu husi asesu iha Uma Amérika-UNTL, iha tinan 2019 iha na’in rua mak liu bolsu estudu ba EUA, no Brunei Darussalam.

Iha 2020 estudante na’in tolu (3) mak konsege liu bolsu estudu ba iha Estadus Unidus Amérika (EUA), Atlanta no Montana University. (*/rio)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 780
  • Page views today : 947
  • Total visitors : 84,627
  • Total page view: 118,754

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur