Notísia foun


DILI—Líder katóliku mundial, Papa Francisco moras deskonfia isin manas no flu (fani no inus ben) no nia lian sai maran bainhira lidera misa selebrasaun Sinjas iha Igreja Santu Pedro, Vatikanu.

Amu Papa iha selebrasaun misa pra-páskua ne’e reja mós ba vítima sira ne’ebé hetan moras no mate tanba virus Corona iha Xina no nasaun seluk ne’ebé virus ne’e ataka ona inklui Itália rasik.

Tanba moras, iha momentu ne’eba Amu Papa la ba partisipa serimónia ida iha Basilika Roma hafoin misa sinjas iha Santu Pedro.

Vatikanu la esplika klaru kona-ba Amu Papa nia moras.

To’o notísia ne’e fó sai seidauk iha konfirmasaun kona-ba kondisaun saúde Amu Papa nian.

Entretantu iha Itália, Mídia Al Jazeera fó sai iha loron 1 Marsu 2020 haktuir virus Corona daet ona ba ema liu rihun ida no konsege hamate ona ema na’in-29.

Númiru mortal tanba virus Corona ne’e konsideradu a’as liu iha Europa. Inkuantu husi totál ema sira ne’ebé deskonfia hetan virus ne’e balun rekopera fali ona.

Eskola no universidade sira kontinua taka to’o semana daruak fulan ne’e nian iha parte norte Itália atu antisipa virus Corona ataka tomak Europa.

To’o notísia ne’e Timor Post fó sai seidauk hetan dadus husi autoridade Timor Leste nian kona-ba timoroan hira mak hela iha Itália. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,331
  • Page views today : 2,253
  • Total visitors : 74,263
  • Total page view: 103,511

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur