Notísia foun


DILI—Sekretáriu Jerál Partidu União Demokrata Timorense (UDT), Francisco David Xavier Carlos, informa, nia parte simu ona konvite rua, ida husi FRETILIN no ida husi CNRT. Konvite rua ne’e ho objetivu atu ba hamutuk hodi forma governu foun.

Francisco haktuir, hafoin simu tiha konvite, Vise Prezidente UDT Aparício Guterres ba sorumutu ona ho CNRT no nia rasik ba hasoru ona Adjunto Sekretáriu Jerál FRETILIN, José Reis, hodi halo diskusaun kona-ba formasaun governu dasia.

Nia dehan, UDT sei halo reuniaun ekstraordinária ne’ebé sei partisipa husi koordenador munisípiu hotu hodi nune’e halo desizaun hamutuk hodi fó resposta ba FRETILIN ho CNRT.

“Desizaun neste momentu ha’u seidauk bele foti,” Francisco hatete ba Jornalista sira iha Uma Fukun Parlamentu Nasionál (PN), Sesta (21/02/2020).

Francisco dehan, Timor Leste presiza duni orsamentu jerál estadu hodi hadi’a ekonomia rai laran. Tanba ne’e, nia subliña, UDT prontu fó apoiu ba forsa polítika rua ne’e ida hodi forma governu dasia no lori hikas orsamentu ba parlamentu nasionál.

Francisco argumenta, partidu hotu-hotu di’ak más ho esperiensia tinan hirak kotuk mak ita foin foti desizaun ida katak partidu ida ne’e mak di’ak ou ida ne’ebá mak di’ak liu.

“Más nu entantu ate prezente data ha’u deklara katak partidu hotu-hotu di’ak, ha’u labele diskrimina fali ida ne’e di’ak liu. Hotu-hotu hanesan, hanesan lideransa partidu polítiku tenke hamutuk para bele garante governasaun de kualidade di’ak ba povu,” katak nia.

Ikus nia informa katak konvite ne’e mai ba hotu bankada UDT/FM, ida ne’e konvite ba ami simu no kona-ba partidu seluk la formalmente horisehik ha’u mós simu telefone hosi Francisco Vasconselhos (PLP).

“Ha’u só hatete de’it prontu ita bele Ko’alia nafatin dialogu i ha’u Hatete ba nia desizaun bele foti bainhira iha ona enkontru estraordinaria ho reprezentante munisipio hodi rona mós sira nia hanoin mak foin foti desizaun,” nia dehan. (ato)

Please follow and like us:

Site Statistics

  • Users online: 0 
  • Visitors today : 1,103
  • Page views today : 1,698
  • Total visitors : 72,755
  • Total page view: 100,916

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur