Notísia foun


DILI—Partidu KHUNTO fó rajaun fortifika Xanana Gusmão liuhusi apoiu ba formasaun governu foun ida ne’ebé metin hodi nune’e líder karismátiku ne’e kontinua luta ba kompleta soberania Repúblika Demokrátika Timor Leste (RDTL), liuliu ketan rai ne’ebé seidauk finaliza no tasi entre Timor Leste, Austrália no Repúblika Indonézia.

Deputadu Bankada KHUNTO atúal Vise Daruak Prezidente Parlamento Nasionál (PPN), Luís Roberto, hatete, situasaun polítika atuál fó impaktu tebes ba ekonomia rai laran nune’e mós interompe prosesu sira negosiasaun Xanana lidera kona-ba fronteira no dezenvolvimentu projeitu tasi mane.

Tanba ne’e, Luis afirma, KHUNTO sei iha desizaun koletivu ida hodi fó apoiu ba CNRT lideradu Xanana hodi forma governu dasia ho lalais liu.

“Maun Xanana luta kona-ba fronteira marítima ninian, povu hotu hatene katak manan tiha ona ita nia direitu, entaun ita halo nusa para bele fortifika nafatin maun Xanana ba oin hodi luta ba ita nia fronteira terrestre ne’ebé daudaun ne’e iha hela diskusaun ho nasaun viziñu Indonézia,” Deputadu Luis ba Timor Post iha Uma Fukun Parlamentu Nasionál (PN), Sesta (21/02/2020).

“Sim, desizaun sei mosu no ha’u fiar katak sei mosu hanesan ne’e, maski liuhosi desizaun koletivu intermus de partidu maibé ha’u fiar katak ninia interese sei halai ba iha ne’ebá (hamutuk ho CNRT forma governu foun),” Luis hatete.

Entretantu antes ne’e, Konsilleru Máximu KHUNTO José Naimori Bukar informa, nia rasik hasoru ona Prezidente CNRT, Kayrala Xanana Gusmão, iha loron Kinta (20/02/2020), hodi ko’alia kona-ba formasaun governu foun ida hodi nune’e bele aselera lori hikas orsamentu jerál estadu ba parlamentu nasionál, no lori ba prezidente repúblika promulga ba hadi’a povu no nasaun nia moris.

“KHUNTO prontu de’it atu asegura. Hanesan maun Xanana, nia nu’udar lideransa ne’ebé úniku iha Timor Leste hanesan mos maun sira seluk,” Naimori afirma.

Kona-ba oinsá KHUNTU tetu no deside entre líder boot rua, Taur Matan Ruak iha PLP ho Xanana Gusmão iha CNRT ne’ebé hamutuk ho KHUNTO forma governu daualu, Naimori hatete, líder másimu nain rua ne’e di’ak hotu, maibé tenke hili dalan ida ne’ebé bele hakotu impase polítika atuál.

“Maun nain rua ne’e di’ak hotu, maibé ita presiza orsamentu ida ba ita nia povu,” Naimori salienta.

Ko’alia kona-ba interse povu nian, Naimori hatete, partidu polítiku tenke iha prinsípiu ida atu nakloke ba forsa polítika hotu ne’ebé mak iha liu posibilidade ba hetan governu foun ida hodi hakotu inserteja polítika no konsentra ba hadi’a povu no nasaun nia moris di’ak.

Kona-ba deklarasaun deputadu KHUNTO nian arepende ho CNRT nia pozisaun bainhira la fó apoiu ba orsamentu jerál estadu 2020 nian, Naimori dehan, ne’e hanesan falta de koordenasaun ida iha ne’ebé CNRT rasik mós hakarak solusiona impase polítika ho dalan ne’ebé agora la’o daudauk. (ato)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,055
  • Page views today : 1,442
  • Total visitors : 143,512
  • Total page view: 205,535

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur