Notísia foun


DILI—Konferénsia ekstraordináriu Partidu Demokrátiku (PD) afirma pozisaun harii governu grande inkluzaun ida ne’ebé involve partidu polítiku, líder istóriku no independente sira hodi nune’e hakat liu impase polítika naruk iha rai laran, maibé sei tetu proposta rua husi PLP ho CNRT.

“PD hakruk no fó respeitu ba líder istóriku sira hotu inklui Lú Olo, Marí, Ramos Horta, Xanana no Taur,” Assanami subliña baJornalista sira hafoin konferénsia PD, iha Sede Nasionál PD, iha Kolmera, Dili.

Maske nune’e, hafoin konferénsia ne’ebé partisipa husi prezidente munisípiu sira hotu hala’o iha sede nasional PD, Kinta (20/02/2020), Prezidente PD Mariano Assanami Sabino afirma, Timor Leste monu iha impasse polítika ida ne’ebé naruk tebes fó implikasaun maka’as tebes ba sosial ekonomia no polítika externa nian. Tanba ne’e, PD hakarak ho governu grande inkluzaun maka bele normaliza fila-fali situasaun ida ne’e hodi fó moris di’ak ba povu no nasaun.

Maibé tanba partidu balun la simu proposta PD nian harii governu grande inkluzaun, maka husi konferénsia ne’e loke nafatin diskusaun iha partidu laran atu tetu proposta PLP ho CNRT nian.

Iha diskursu loke konferénsia PD, Prezidente PD Mariano Assanami Sabino afirma, dalan ne’ebé PD hili iha situasaun ida ne’e nu’udar dalan ne’ebé di’ak liu dalan seluk.

Assanami hatete, PD haruuk nafatin ba líder istóriku hotu ne’ebé balun involve ona iha partidu polítiku. Nia dehan, ba Taur Matan Ruak nia firme i hatudu duni iha prátika durante Taur lidera governu daualu nia sempre fó apoiu liuhusi votus to’o iha orsamentu jerál estadu 2020 governu ne’e monu.

Nune’e mós  nia firme fó apoiu no la sata Francisco Guterres Lú Olo hanesan Prezidente Repúblika nia ajenda sira ba vizita estadu nian ba rai liur. Tanba ne’e, maske iha situasaun polítika atuál nia parte hili la’o ho sé de’it mak konkorda ho governu grande inkluzaun nu’udar dalan di’ak no lalais ba hakotu impase polítiku iha rai laran.

To’o noísia ne’e tún Timor Post seidauk hetan konfirmasaun husi PLP ho CNRT kona-ba proposta partidu rua ne’e nian hakarak governu oinsá, maibé PLP antes ne’e deklara ona lakohi governu grande inkluzaun no lakohi hamutuk ho CNRT tanba konsideradu soe ona PLP iha dalan klaran. (ato/cao)

Please follow and like us:

NOTÍSIA FOUN

Site Statistics

  • Users online: 8 
  • Visitors today : 399
  • Page views today : 484
  • Total visitors : 79,651
  • Total page view: 111,565

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur