Notísia foun


DILI—Governu daualu liuhusi Konsellu Ministru aprova rejolusaun governu husi Ministru Turizmu, Komérsiu no Indústria Interinu kona-ba nomeasaun Alexandre Pires, hanesan prezidente Kosellu Administrasaun no Alves Gomes Martins no Cecília da Fonseca, hanesan vogál sira ba Konsellu Administrasaun Institutu Kualidade Timor Leste, IP (Institutu Públiku).

Desijaun ne’ebé hala’o iha loron Kuarta (19/02/2020) ne’e, governu nomeia mós Carlito Gama no José Gonçalves ba Konsellu Fiskál husi Institutu Kualidade Timor Leste, IP.

Institutu Públiku ne’e estabelese bainhira governu dahituk halo aprovasaun ba dekretu lei ne’ebé posibilita estabelesimentu Institutu Kualidade Timor Leste, IP.

Institutu Kualidade Timor Leste maka sei sertifika produtu hotu ne’ebé produz iha rai laran no halo kontrolu ba produtu importasaun sira atu nune’e garante kualidade ba produtu hotu iha merkadu rai laran no rai liur.

Institutu ne’e sei iha laboratórium hodi nune’e fasilita servisu liuliu atu fó sertifikasaun ba produtu ida presiza halo teste laboratórium kedas iha indústria ka fábrika ida nia laran, garante aspetu sanitasaun, tratamentu ambiente, kompozisaun kímika n seluk tan. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,249
  • Page views today : 1,787
  • Total visitors : 80,501
  • Total page view: 112,868

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur