Notísia foun


DILI— Koordenadór Servisu Aviasaun ZEESM, Nídio Lobato rejeita informasaun katak aviaun ZEESM a’at. Haktuir katak, lolo’os aviaun ne’e iha hela prosesu manutensaun no sei hahú hikas operasaun iha semana ne’e.

“Atu klarifika de’it katak, durante ne’e aviaun ZEEMS la halo operasaun hosi ami transporte aero ZEEMS, hanesan unidade foun ida ami buka atu hatene, tanba sa mak aviaun ne’e a’at, maibé aviaun ne’e la’ós a’at, no halo manutensaun ba sasán ida ke nia tempu tenke troka duni,” Nídio haktuir ba Timor Post iha nia servisu fatin edifísiu Operasaun Aviaun Aeroportu Nicolau Lobato, Komoro, Dili, Kuarta (19/02/2020).

Nia dehan, presiza hein tan loron  rua ka loron  tolu depois ekipamentu to’o no monta fila fali, entaun aviaun ne’e  komesa hahú halo operasaun normal fila-fali.

Tuir Nídio, katak Aviasaun ZEEMS durante ne’e servisu hamutuk ho kompañia Ken Borek hosi Nasaun Kanada, no prosesu sasán oras ne’e iha dalan ona mai TL.

Kona-ba gastu ita gastu barak ona ba aviaun ida nee, tanba kada fulan selu U$  150 mil dolar ba kompañia, Ita espera sasán ne’e bele too lais no aviaun ne’e bele halo operasaun normal hanesan bain bain. “nia esplika

Enkuantu kona ba kontratu Hosi Inisiu JEESM halo kontratu ho kompañia  Ken Borek hosi nasaun Kanadá  ne’ebé durante ne’e  toma responsabilidade ba parte operasionál, hosi 2015-2021 no kontratu refere  kada tinan rua sei extend.

Nia informa, ekipamentu ne’ebé halo manutensaun(troka) ho naran Advance Gráffic Module (AGM) no nia recorder ba  atividade servisu pilotu nian iha aviaun laran.

Koordenadór ne’e mos rekoñese katak durante ne’e aviaun la halo operasaun tanba pagamentu mak tarde, depois ekipamentu ne’e mos sei hola hosi nasaun Amérika laos iha Kanadá, entaun presiza han tempu.

Ekipamentu AGM ne’e ho nia folin U$ rihun 3 (trés mil dolar), maibé ZEEMS mos halo pagamentu ba Fee kada fulan inklui treinamentu ba pilotu timoroan nain 2. (jxy)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 939
  • Page views today : 1,176
  • Total visitors : 84,786
  • Total page view: 118,983

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur