Notísia foun


DILI-Prezidente Autoridade Rejiaun Administrativa Espesiál Oe-kusi Ambeno no Zona Ekonómia Espesiál Sosiál Merkadu (RAEOA-ZEESM), José Luis Guterres ‘Lugu’ prefere estrutura ba nia sekretariadu maioria tenke okupa husi Oe-Kusi oan sira atu nune’e bele iha balansu no respeita malu.

“Ami hanoin katak tenke fó ba povu entre feto ho mane Oe-kusi bele partisipa,” Lugu ba Jornalista sira iha Palásiu Governu, Dili, Tersa loro-kraik (18/2/2020).

Nia dehan, naran sira ne’ebé atu prienxe sekretariadu RAEOA-ZEESM ne’e nia sei públika bainhira partidu tolu hahoris governu AMP entrega ona ba nia.

“Iha tempu badak ami sei hakerek karta ba señor primeiru ministru ho ema ne’ebé atu sai sekretariu rejionál,” Lugu hatete.

Nia hatutan, Oe-Kusi oan sira barak mak kompetente, tanba ne’e mak presiza atu komprende ba malu. Nia foti ezemplu iha munisípiu sira hanesan Baukau, Vokeke, Kovalima no munisípiu sira seluk, hodi presiza atu ko’alia ba malu.

Lugu dehan, normalmente ema husu katak bele ka lae tenke fó buat ruma ba rai na’in sira, tanba sira mós iha intensaun hotu atu kontribui ba dezenvolvimentu.

Alende ne’e mós, nia dehan, buat hothotu presiza oferese ba rai na’in, hanesan respeitu sidadun no tradisaun kultura.

“Ha’u fiar katak ho buat hirak ne’e hotu ita bele kria paz no estabilidade sosiál mak importante tebes,” Lugu salienta. (kyt)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 171
  • Page views today : 194
  • Total visitors : 238,361
  • Total page view: 344,315