Notísia foun


DILI—Partidu Demokrátiku (PD) simu tiha ona proposta husi partidu CNRT lideradu Kayrala Xanana Gusmão hodi forma governu foun.

Sekretáriu Jerál PD, António da Conceição informa, nia parte simu ona proposta husi CNRT hafoin hasoru malu ho Prezidente CNRT, Xanana Gusmão iha líder karismátiku ne’e nia rejidénsia Lecidere, Dili.

“Maun Boot Xanana nia disponibilidade atu hamriik fali iha oin hodi devolve fila-fali konfiansa ba povu atu it abele hala’o dezenvolvimentu ba ita nia rain,” António ba Jornalista sira hafoin ho nia delegasaun sorumutu ho Xanana Gusmão, Tersa (18/02/2020).

Timor Post seiduak hetan konfirmasaun CNRT sei halo koligasaun ho partidu ne’ebé tan hodi atinji kritériu sir aba formasaun governu, maibé fonte kredivel haktuir ba Timor Post katak, koligasaun ne’e CNRT sei halo ho PD, KHUNTO, UDT/FM no PUDD.

Molok hasoru Xanana, delegasaun PD sorumutu uluk iha Komité Sentrál FRETILIN (CCF) ho Sekretáriu Jerál FRETILIN Marí Bim Amude Alkatiri.

Iha CCF, António hatete, sorumutu ida ne’e atu hatudu PD nia pozisaun hanesan partidu ne’ebé hetan kadeira lima iha parlamentu nasionál hahú loke komunikasaun atu hetan konsertasaun ida ho partidu hotu asentu parlamentar hodi hetan solusaun ba impase polítika atuál.

António hatete, PD halo esforsu ida ne’e tanba impase polítika ne’ebé naruk iha rai laran povu mak kontinua sai vítima.

“Tanba ne’e maka ami hanesan partidu polítiku ida iha dever atu ko’alia ba malu, maibé solusaun ne’e depende fali on aba vontade husi partidu ida-idak nian, mas ida ne’e (sorumutu ho FRETILIN) la signifika ami halo ona koligasaun,” António salienta.  (cao)

Please follow and like us:

Site Statistics

  • Users online: 3 
  • Visitors today : 1,236
  • Page views today : 1,874
  • Total visitors : 71,242
  • Total page view: 98,368

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur