Notísia foun


DILI—Reprejentante Vatikanu nian iha Timor Leste, Monseñor Marco Sprizzi hasoru malu ho Prezidente Partidu CNRT Kayrala Xanana Gusmão la ko’alia espesífiku kona-ba planu vizita Amu Papa Francisco nian iha Timor Leste, maibé otimista iha komunikasaun ofisiál sira kona-ba kestaun ne’e hodi bele akontese duni.

Hafoin sorumutu ne’ebé hala’o iha Sede Nasionál Partidu CNRT iha Bairro dos Grilhos, Dili, Tersa (18/02/2020), akompaña husi Sekretáriu Jerál Partidu CNRT, Francisco Kalbuadi Lay, Monseñor Marco ba Jornalista sira hatete, durante ne’e seidauk iha komunikasaun ofisiál Timor Leste ho Vatikanu, maibé nia parte otimista timoroan sira liuliu autoridade sira bele iha komunikasaun no bele akontese vizita Amu Papa nian iha Timor Leste.

“Ita reza para bele akontese (vizita Amu Papa iha Timor Leste),” subliña Monseñor Marco.

Tuir planu, Amu Papa Francisco sei vizita Repúblika Indonézia hafoin estadu rai ne’e hetan resposta pozetivu ba sira nia konvite espesiál.

Entretantu iha sorumutu Monseñor Marco ho Xanana, Monseñor Marco ho Xanana Gusmão ko’alia liuliu kona-ba kooperasaun Timor Leste nian ho Santa Sé ne’ebé durante ne’e la’o hela no ba futuru.

Ba Jornalista sira Xanana subliña, sira ko’alia kona-ba kongregasaun madre sira ne’ebé fó apoiu di’ak tebes iha klínika sira iha timor-laran. Xanana agradese ida ne’e.

Sorumutu ne’e Xanana konsidera hanesan konversa amigo ba amigo. (ato/cao)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 400
  • Page views today : 487
  • Total visitors : 79,652
  • Total page view: 111,568

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur