Notísia foun


DILI—Komandante Unidade Polísia Marítima (UPM), Superintendente Lino Saldanha hakotu iis iha Hospitál Nacional Guido Valadares (HNGV), Dili, iha loron Kinta (13/02/2020) maizumenus oras, tuku sanulu liu, tanba deskonfia moras fuan.

Familia sira lori sai ona isin mate Lino Saldanha husi mortuariu HNGV iha tuku 11 liu ba nia rejidensia iha Motael, Dili.

Tuir kronolojia ne’ebé Timor Post rekolla haktuir Komandante Lino iha loron Kinta (13/02/2020) la tama servisu. No ida dader nia sei halo hela limpeza iha nia uma oin, maibé derepente de’it nia monu. Nune’e nia ferikoan husu ajuda ba joven balun ne’ebé besik hodi lori kedas ba emerjénsia HNGV.

Antes ne’e família rekoñese Komandante Lino infrenta hela moras diabetes. Maibé nia monu derepente ne’e motive husi moras saida família sira mós seidauk hatene, maibé deskonfia de’it moras fuan.

Entretantu Timor Post halo konfirmasaun ho Hospital Nasionál Guido Valadares (HNGV), labele salva Komandante Unidade Polísia Marítima (UMP), Superintendente Lino da Silva Saldanha (49) ninia vida, tanba bainhira família evakua matebian husi ninia rezidénsia Motaél ba sala emerjénsia ho kondisaun ne’ebé mak grave ona (unresponsive).

“Maluk sira ambulánsia lori husi ninia uma Motaél to’o iha ne’e nia kondisaun unresponsive. Ami nia ekipa komesa kedas halo Cardio Respiratóriu Resuxitasaun (CPR), koko para atu nia fuan bele book-án, maibé depois minutu sanulu, ami la konsege deteta nia fuan no sinais vitais sira, tanba  ne’e ami informa ba família katak, señor Lino Saldanha hakotu iis ona.” informa Xefe Departamentu Banku Urjénsia,  Doutór Todi de Jesus, iha nia kna’ar fatin HNGV, kinta (13/02/2020).

Doutór Todi dehan, unresponsive ne’e signifika, bainhira matebian evakua husi ninia rezidénsia ba sala emerjénsia HNGV inkonxiente ona (la sadar ona).

“Husi uma mai iha ne’e la sadar tiha ona, maibé kolega sira husi ambulánsia mós komesa kedas bomba CPR iha uma mai to’o iha ne’e, maibé la konsege salva.”  Doutór haktuir.

Todi hatete, matebian sofre moras ataka korasaun (serangan jantung).

“Ha’u nia hanoin, iha emerjénsia, moras sira hanesa ne’e, ema bolu dehan serangan jantung Acute.  Serangan jantung Acute ne’ebé halo fuan paradu tiha ona.” Doutor Todi klarifika.

Todi dehan, matebian parte ambulánsia tula ba HNGV maizumenus iha oras tuku sanulu liu minutu tolunulu resin neen.

“Depois minutu sanulu, ami halo resuxitasaun, matebian nia fuan la baku no la dada is, ami deklara katak nia fila ona no esplika ba família sira.  No ami rona mós informasaun husi nia família katak, nia moras fuan no tensaun, parese hein hela atu ba estranjeiru, maibé realidade kondisaun mak hanesan ne’e ona.” Todi subliña.

Tuir observasaun iha mortuáriu to’o matebian nia uma, família, kolega no Sekretáriu Estadu Protesaun Sivíl Alexandrinho Araújo, Komandante Operasaun PNTL, Pedro Belo, ho superior PNTL seira seluk, Komandante Daruak PNTL Munispiu Dili, Euclides Belo, Komandante Unidade Espesial, membru sira komite 12 Novembru, ajentes polísia sira maioria hosi Unidade Polisia Maritima mak ba hala’o vizita ona. (ato/jry)

Foto ne’e hasai iha Mortuariu HNGV

Please follow and like us:

NOTÍSIA FOUN

Site Statistics

  • Users online: 2 
  • Visitors today : 324
  • Page views today : 377
  • Total visitors : 77,700
  • Total page view: 108,842

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur