Notísia foun


DILI—Deputadu husi Banakda FRETILIN konsidera problema internal iha Aliansa Mudansa ba Progresu (AMP) maka rejulta Orsamentu Jerál Estadu (OJE) 2020 nian sumba iha Parlamentu Nasionál. Tanba ne’e, partidu ne’e la komenta kona-ba destinu Primeiru Ministru Taur Matan Ruak.

“Bankada FRETILIN lakohi tama kahur iha problema sira (AMP) nian,” Deputadu FRETILIN Fabião de Oliveira subliña ba Timor Post relasiona ho debate públiku kona-ba destinu primeiru ministru bainhira prezidente repúblika foti desizaun forma governu foun.

Liga ba situasaun polítika atuál, debate sira la’o kona-ba konstituisaun artigu 112 ne’ebé haktuir kona-ba demisaun governu nian, liuliu iha pontu dahuluk haktuir, governu nia knaar remata, bainhira: a) hahú lejizlasaun foun; b) bainhira prezidente-repúblika simu pedidu demisaun hosi primeiru-ministru.

Nune’e mós iha pontu ne’e iha alinea, e) parlamentu nasionál la simu aprovasaun ba votu konfiansa; no f) aprovasaun mosaun sensura nian hosi maioria absoluta tomak deputadu ne’ebé sei hala’o knaar nu’udar efetivu.

Ho debate sira ne’e, Deputadu Fabião ba Timor Post iha uma fukun Parlamentu Nasionál, Tersa (04/02/2020) subliña, FRETILIN sei latau kanuru tohar tanba, AMP forma husi Partidu CNRT, PLP ho KHUNTO hodi hamosu governu daualu. Nune’e, problema mosu no primeiru ministru entrega ona ba prezidente repúblika maka, nia parte la halo espekulasaun tanba prezidente repúblika iha kompeténsia konstitusional hodi hakotu problema nasaun nian.

“Sira rasik maka momentu ne’e forma AMP antes elisaun, sira maka forma governu, ne’e sira rasik maka vota abstensaun no kontra ba OJE 2020 sumba, ne’e problema internal sira nian. Agora dada’uk ita fó kompetensia tomak ba prezidenti repúblika atu rezolve problema hirak ne’e kona-ba impasse polítika ne’ebé akontese,” Deputadu Fabião hatete.

Hatan ba Timor Post kona-ba karik Primeiru Ministru Taur Matan Ruak la demite-an maka prezidente repúblika desolve parlamentu hodi hakat ba elisaun antisipada, nia subliña,  depende ba prezidente repúblika más tenke tuir konstituisaun.

Nune’e, nia dehan, to’o agora nia parte fi’ar ba meius ne’ebé prezidente repúblika halo maka konvoka ona diálogu ho entidades timoroan hotu tuir artigu 74 para atu kria paz no estabilidade iha rai laran.

Tanba ne’e, nia salienta, FRETILIN hein de’it desizaun saida maka prezidente repúblika atu foti husi diálogu ne’e FRETILIN tenke simu. (flo)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,408
  • Page views today : 2,380
  • Total visitors : 74,340
  • Total page view: 103,638

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur