Notísia foun


DILI— Governu Nova Zelândia ho laran luak oferese Aviaun ho naran Air New Zealand hodi evakua timoroan na’in-17 husi sidade Wuhan, Xina ne’ebé hetan atake husi virus Corona.

Sekretariu Embaixada Timor Leste iha Nova Zelándia Armindo Simoes ba Timor Post via telefone, iha loron Kuarta (05/02/2020) haktuir, meius ida ne’e akontese tanba esforsu governu Timor Leste liuhusi Embaixada Timor Leste iha Nova Zelândia husu tulun atu timoroan 17 ne’e bele hetan avakuasaun lalais.

“H laran luak hodi evakua ita nia estudantes timoroan na’in-17 iha Wuhan-Xina ho sira nia Aviaun Air New Zealand ne’ebé sei too iha Auckland, orsida (05/02/2020) tuku 4:15 lokraik.

Sekretariu Embaixada Timor Leste iha Nova Zelándia Armindo Simoes lori naran Timor Leste agradese ba apoiu ida ne’e husi governu no povu Nova Zelândia ba Timor Leste iha tempu difisil nia laran.

“Iha tempu difísil ne’e, mai ita hotu reza ba sira na’in-17 ne’e atu too ho di’ak no saudável,” subliña Armindo Simoes.

To’o notísia ne’e públika Timor Post seidauk konsege hetan konfirmasaun husi Ministériu Negósiu Estranjeiru no Kooperasaun (MNEK) iha Dili no timoroan na’in-17 iha Wuhan kona-ba preparasaun sira aranka husi Wuhan. (ags/cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 516
  • Page views today : 671
  • Total visitors : 77,892
  • Total page view: 109,136

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur