Notísia foun


DILI—Timoroan na’in-rua ho inisial OM no VP tenke hasoru justisa iha Tribunal Munisipál Dili, tanba  diskunfia involve iha kazu hatama minarai ho ilegalmente husi Atambua liu husi Palaka sein lisensa husi alfándega no la selu taxa, ikus mai fó prejuizu ba estadu Timor Leste.

Liu husi julgamentu ne’ebe halao iha Tribunal Distritál Dili (TDD), Kinta (30/01) no bazeia ba akuzasaun husi Ministériu Públiku katak iha loron 10 Outubru 2018, Tasi Tolu, Dili, arguida na’in  ho rua,OM ho VP aluga karreta ho númeru matríkula 36.588 TL Mateus Ximenes nian, ho objetivu atu ba tula no sosa mina-rai husi Januário Gonçalves iha suku Palaka, Postu Atabae, Munisípiu Bobonaru mai iha kapitál Dili.

Nune’e, arguida na’in rua hamutuk ho kondutór sai husi Tasi Tolu ho horas 19:00 OTL no to’o iha Palaka ho horas 24:00 OTL.

Iha loron 11 Outubru 2018 arguida na’in rua fó orientasaun ba ema balun no hahú hatama mina-rai iha karreta laran ho toneladas 2.875 litrus iha horas 04:00 madrugada.

Bainhira hatama hotu tiha mina-rai hirak ne’e, no viajen daudaun ona no to’o iha Dili mak autoridade Aduaneira mak halo aprensaun ba mina-rai hirak ne’ebé arguida na’in rua sosa ho montante $ 900.00  dollares amerikanu.

Ho arguida na’in rua nia hahalok mak Ministériu Públiku akuza ho krime auditoria artigu 30 no krime 316 husi kódigu penal Timor Leste.

Iha tribunal, arguida VP rekoñese katak faktu sira loos hotu, no arguida OM hili dalan nono’ok de’it.

Tanba arguida VP konfesa faktu, no arguida OM deside nono’ok, ho nune’e Ministériu Públiku presinde tiha testemuña sira no tama ba alegasaun.

Iha sesaun alegasaun, MP husu ba tribunal atu aplika pena suspensaun no mina-rai sira ne’ebé prende partensia ba estadu, enkuantu DP husu ba tribunal atu aplika pena ne’ebé adekuadu.

Nune’e, TDD adia fali ba iha loron 13 Fevereiru 2020, 16:00 OTL hodi rona desizaun final.

Iha audiénsia julgamentu ne’e, prezide husi koletivu juis Antonio Fonseca, Afonso Carmona, Evangelino Belo, Ministériu Públiku reprezenta husi prokuradór Adérito Tilman, no arguida na’in rua hetan asisténsia legal husi defensora publika,  Agostinha de Oliveira. (ven)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 292
  • Page views today : 418
  • Total visitors : 78,298
  • Total page view: 109,729

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur