Notísia foun


DILI—Japan International Cooperation Agency (JICA) fó prioridade ba pilár tolu atu implementa iha Timor Leste iha tinan ne’e nia laran.

Pilár tolu ne’e mak hanesan, dahuluk, haree ba infra-estrutura, diversifikasaun indústria iha parte agrikultura; daruak, haree ba turizmu no indústria; datoluk, haree ba servisu sosial nian.

Atu alkansa objetivu hirak ne’e, JICA iha loron Sesta (31/01/2020), hala’o reuniaun ho alumni timoroan sira hodi tau hamutuk ideia hodi produz planu no asaun sira.

“Iha tinan kotuk iha lansamentu ba assosiasaun alumni JICA Timor nian. Ohin, atu akumula ideia hotu husi alumni sira atu halo planu programa annual,” haktuir Representante JICA Timor Leste, Nagaishi Masafumi ba Jornalista sira iha Hotel Timor hafoin sorumtu.

Nia hatutan, depois JICA rona alumni sira nia hanoin kona-ba planu liu liu mak liu husi planu ba projetu ki’in oan sira, hodi JICA tetu atu fo apoiu fundus ba alumni sira nia atividade.

To’o ohin loron JICA iha ona alumni kuaze rihun ida atus rua inklui husi linas ministeriais, ONG no mos UNTL. JICA konta alumni hirak ne’e tanba sira hetan suporta husi JICA hodi ba tuir treinamentu iha Japaun no fila iha direitu sai alumni JICA.

“Iha tinan 2020 JICA Timor Leste tau prioridade ba pilar tolu primeiru mak haree ba infraestrutura, diversifikasaun Industria hanesan bus parte agrikultura,  turismu no Industria, terseiru mak haree ba servisu sosial ninian”, nia informa.

Iha fatin hanesan Diretór Ezekutivu Institutu Nasional Administrasaun Publik (INAP) Agustinho Letensio de Deus, hatete, alumni JICA forma iha tinan ida liu ba mak ohin loron tur hamutuķ hodi diskuti ba programa annual nian.

“Ita hotu partisipa ba iha aktividade ne’e hodi tur hamutuk diskuti ba programa tinan ida nian, entaun ohin alumni sira tur hamutuk para haree programa”, nia hatete.

Tuir nia  enkontru ne’ebé alumni JICA halo mos importante tebes tanba liga mos ho servisu INAP nian ne’ebé mak INAP hanesan hela sentru ida para atu koordena kapasitasaun ne’ebé mak liga ho governu Japan nian.

“Iha parte rua hanesan iha parte formasaun kurtu prazu no Iha mos parte bolsu estudu nian entaun enkontru ida ohin ne’e INAP mos bele hetan tan Ideia barak para oinsa mos bele propoin tanba ba governu Japan liu husi JICA kona-ba programa sira ne’ebé nesesita ba situasaun nasaun Timor Leste nian”, nia hatete. (ono)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,099
  • Page views today : 1,685
  • Total visitors : 72,751
  • Total page view: 100,903

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur