Notísia foun


DILI—Prokurador Jerál Repúblika (PJR), José Ximenes ho Primeiru Ministru Taur Matan Ruak halo diskusaun kona-ba meius sira oinsá kombate asaun sira ne’ebé durante ne’e no ba oin kontra estadu Timor Leste.

Ba Jornalista sira hafoin diskute asuntu ne’e ho Primeiru MInistru Taur Matan Ruak, Tersa (28/01/2020), iha Palásiu Governu, Dili, José esplika, PJR iha servisu espesializada ida husi tolu maka servisu kontesiozu estadu administrativu i fiskais.

Iha servisu ida ne’e, José klarifika, PJR hamriik hodi defende estadu bainhira iha asaun sira kontra estadu.

Nia fó ezemplu bainhira funsionáriu ida hetan demisaun husi Komisaun Funsaun Públika (KFP), i funsionáriu ne’e la konkorda i foti prosesu maka PJR mak sei defende prosesu ida ne’e husi parte estadu nian.

Tanba ne’e, José haktuir, iha kazu ida ne’ebé akontese iha tinan hirak liu ba kona-ba estadu kontrata advogadu privadu hodi defende estadu kona-ba kazu hasoru Austrália, maibé PJR kontinua marka prejensa husi fó asesoria i defende interese estadu nian.

Reuniaun ne’e ho intensaun atu iha kooperasaun entre PJR ho Governu nune’e bele servisu hamutuk di’ak liu tan ba futuru. No primeiru ministru rasik fó resposta pozetivu. (cao)

Please follow and like us:

Site Statistics

  • Users online: 3 
  • Visitors today : 413
  • Page views today : 559
  • Total visitors : 78,924
  • Total page view: 110,626

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur