Notísia foun


DILI–Prezidente Repúblika (PR), Francisco Guterres Lú Olo, konkorda no dekreta tiha ona lista embaixador timoroan na’in sia ne’ebé governu Aliansa Mudansa ba Progresu (AMP) liuhusi Ministeriu Negosiu Estranjeiru no Kooperasaun (MNEK) propen.

Embaixador timor-oan na’in-sia ne’e sei reprejenta Timor Leste ba nasaun sira mak hanesan, Reinu Unidu no Irlanda Norte, Repúblika Popular Xina, Japaun, Singapura, Vatikanu, Portugal, Moçambique, Kamboja no Laos.

Tuir ajenda, iha 28 janeiru 2020, Prezidente Repúblika sei fó pose ba Embaixadór na’in-sia ne’e iha Palásiu Prezidensiál, Nicolau Lobato, Dili, tuku 09h30 otl.

Komunikadu ne’ebé fó-sai husi Palásiu Prezidensiál, iha loron Segunda (27/01/2020) haktuir, Xefe Estadu dekreta hodi nomea embaixadór/a extraordinária no plenipotensiáriu, mak hanesan Maria Natália Guterres Viegas Carrascalão ba nasaun Singapura ho númeru dekretu Prezidensiál 13/2020, Hermenegildo Lopez ba nasaun Kamboja ho númeru dekretu Prezidensiál 14/2020, Juvita Rodrigues Barreto de A. Gonçalves ba Estadu Vatikanu ho númeru dekretu Prezidensiál 15/2020, Abrão dos Santos ba Repúblika Populár Xina ho númeru dekretu Prezidensiál 16/2020, Isabel Amaral Guterres ba nasaun Portugal ho númeru dekretu Prezidensiál 17/2020, Maria Renata Caldas de Jesus ba nasaun Laos ho númeru dekretu prezidensiál 18/2020, Inês Maria de Almeida ba nasaun Austrália ho númeru dekretu Prezidensiál 19/2020, Gil da Costa ba nasaun Reinu Unidu no Irlanda Norte ho númeru dekretu Prezidensiál 20/2020 no Ilídio Ximenes da Costa ba nasaun Japaun ho númeru dekretu Prezidensiál 21/2020. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 514
  • Page views today : 704
  • Total visitors : 79,025
  • Total page view: 110,771

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur