Notísia foun


DILI—Udan tau maka’as iha loron Kinta (23/01/2020) kuaze durante loron tomak iha Dili liuliu iha parte foho Dare nian halo bee tun ho velosidade maka’as husi valeta sira iha Dili laran ba tasi. Nune’e, rejulta labarik feto menoridade ida mout no la konsege salva.

Labarik ho naran kompletu Maria Bobo Fátima Pereira ne’e hatais farda eskola nian, hela iha Bekora ne’e tuir informasaun la’o ain husi eskola primária ida iha Bairro Grilhos atu ba uma maka to’o iha loja Top One nia sorin monu tama ba valeta.

Ekipa Bombeiros ho komunidade sira buka tuir kedas ba hetan fali iha valeta nia rohan ba tasi nian iha loja Dragon nia sorin.

Hafoin hetan konsege hasai husi ponte kiik husi valeta ne’e nia okos no evakua kedas ba Ospital Nasionál Guido Valadares (HNGV), maibé tuir dalan labarik laiha ona iis.

Tuir observasaun Timor Post iha ospital médiku sira halo esforsu hotu ho bomba atu hetan fali iis maibé la konsege salva.
To’o notísia ne’e Timor Post seidauk konsege halo konfirmasaun ho labarik nia família sira kona-ba objetivu labarik ne’e sai husi um aba iha ne’ebé maka hodi monu no mout iha valeta Audian. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 414
  • Page views today : 560
  • Total visitors : 78,925
  • Total page view: 110,627

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur