Notísia foun


DILI—Vise Ministru Obras Públiku (MOP), Nicolau Lino Freitas Belo haktuir, iha Orsamentu Jerál Estadu (OJE) ba tinan 2020 laiha orsamentu hodi hala’o projetu foun iha bee moos no saneamentu (Servisu Agua no Saneamentu/SAS).

Nicolau dehan, governu la hala’o programa ida ne’e iha teritóriu laran tomak tanba orsamentu ba MOP iha redusaun.

“Proposta orsamentu ba ministériu obra publika primeiru aprezenta ho total Milaun 270 Dollar, hafoin hetan redusaun orsamentu MOP ba 2020 hela de’it montante Milaun 229 Dolar mak hodi mai parlamentu nasionál,” Nicolau subliña ba Timor Post iha Parlamentu Nasionál, kuarta (15/01).

“Hosi orsamentu Milaun $ 229 boot liu gasta ba iha kombustivel jeradór Hera no Betanu ho ninia montante hamutuk Milaun $ 142,” Nicolau hatutan.

“Liuliu ba iha Agua e Saneamentu, loos duni katak foin daudaun ha’u informa ona katak ita la iha projetu foun ba iha Agua e Saneamentu (SAS) tanba menus orsamentu,” Tenik nia.

Nia haktuir, polítika ministériu nian maka mantein haree obra ne’ebé mak la’o tiha ona, ho situasaun refere maka mosu espekulasaun no persepsaun oioin katak membru governu maka la iha planu dezenvolvimentu tinan foun konsidera inkapasidade maibé obriga an hakarak kaer pasta ministru hodi ikus la hatene hala’o servisu oinsá.

“Oras ne’e daudaun liuliu ita re a própria de’it servisu ne’ebé la’o iha 2014 to’o 2019 nian, ita reapropriasaun katak kontinua de’it obra ne’ebé la’o tiha ona iha tinan anterior liubá,” Informa nia.

Alende ne’e mós Vise Ministru Obra publika Nicolau Belo rekoñese ho preokupasaun ema no sosiedade hotu nian tanba ko’alia kona-ba dezenvolvimentu reprezentante povu iha uma fukun mós kestiona kapasidade nu’udar jestór iha ministériu ne’ebé toma konta konstrusaun fíziku estadu nian.

“Ita nian dezenvolvimentu maka primeiru Parlamentu Nasionál kestiona kona-ba kapasidade Ministériu da Obra Publika ninian,” (ato)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,055
  • Page views today : 1,347
  • Total visitors : 84,902
  • Total page view: 119,154

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur