Notísia foun


DILI—Komisáriu Jerál Anti Korrupsaun (KAK) Sergio Hornai, informa tinan 2019   halo ona investigasaun ba kazu krime Korrupsaun hamutuk 74, maibé total ne’e iha prosesu 43 mak haruka ba Ministériu Públiku (MP).

“Ita iha setenta trés (73) kazu, no halo relatóriu final hodi haruka ba Ministériu Públiku hamutuk hat nulu resin tolu (43) kazu,” dehan Komisáriu KAK, Sergio Hornai ba jornalista sira hafoin remata sorumutu ho Komisaun A iha Parlamentu Nasionál, Kuarta (08/01).

Nia dehan, hosi dadus ne’e antes parte KAK simu mós delegasaun kazu 66 hosi Ministériu públiku atu halo investigasaun, no agora iha kazu 17 mak lao hela ninia prosesu investigasaun.

Eis Defensór Jerál ne’e, afirma KAK nia servisu la hare ba kuantidade, maibé hare liu ba kualidade investigasaun, nune’e bele apoiu ba MP hodi halo servisu ho diak liuliu iha parte halo akuzasaun.

“Kazu saida deit ita presiza halo investigasaun ida kle’an, hotu mak ba Ministériu Públiku hodi  uza nia kompeténsia atu promove akuzasaun, ou halo arkivamentu,” dehan komisáriu KAK.

Ikus nia husu ba sosiedade hotu hein  bainhira prosesu tama ona ba tribunal, tanba prosesu ne’ebé KAK  investiga automátika prosesu sira mai ho natureza korrupsaun.

“Ita hotu hein no espera katak prosesu hotu ba krime saida de’it ne’ebé iha nia natureza korrupsaun ne’e sei liu hosi prosesu investigasaun, “nia dehan.

Orsamentu Ba KAK Hetan Redusaun

Entretantu Alokasaun Orsamentu Jeral Estadu (OJE) 2020, ba Komisaun Anti Korrupsaun (KAK) hetan redusaun.

Informasaun ne’e fo sai husi Komisáriu Jerál Anti Korrupsaun (KAK), Sergio Hornai, ba jornalista sira bainhira remata enkontru ho Komisaun A iha Parlamentu Nasionál, Kuarta (08/01).

Komisáriu jerál Anti Korrupsaun (KAK) hatete  tinan 2020 ne’e hetan redusaun hosi alokasaun orsamentu estadu 2020, tanba ne’e husu ba komisaun A atu hare hodi diskute.

Nia dehan, tanba ho redusaun orsamentu kuaze U$ 91 mill maka iha Kuarta (08/01) ne’e marka kedas audiénsia ho komisaun A iha Parlamentu Nasionál para  oinsá parlamentu bele hare no diskute iha plenária mai.

“Objetivu audiénsia ho komisaun A,   para atu hato’o informasaun balu relativamente ba iha redusaun orsamentu, katak KAK iha tinan ida ne’e hetan redusaun uitoan, purvolta U$ 91 mil dolar Amerikanu, “dehan Sergio.

Nia dehan, kuandu orsamentu KAK nian halo redusaun mak bele fo inpaktu ba servisu KAK nian liu-liu kuandu halo servisu investigasaun prosesu ruma iha munisípiu sira.

Tuir Komisáriu KAK ne’e hatete, Orsamentu KAK iha tinan ne’e fora hosi kapitál dezenvolvimentu umanu ne’ebé iha de’it U$ 1,774.00.

Tanba ne’e kuandu governu halo redusaun, konserteza iha impaktu ba servisu KAK nian.

“Hanesan ita hotu hatene katak KAK nia osan ne’e uitoan, ne’ebé purvolta U$ 1, 774.00 dolar, entaun ne’e hanesan mahon been oan ida deit ne’ebé monu iha tasi laran, maibé laos ida ne’e sai hanesan kestaun, oinsá ita rasik atu halo armonizasaun ba ida idak nia servisu,” dehan Sergio.

Enkuantu nia relata mos tan katak Komisaun Anti Korrupsaun tinan ba tinan hakarak servisu, oinsá atu garante iha polítika prevensaun no polítika investigasaun kriminalidade nian tenke lao.

Sergio dehan tan katak maski servisu sira ne’e la sentraliza de’it iha distritu, maibé tenke halo dezlokasaun sira ba iha Munisípiu no fatin sira ne’ebé bainhira KAK iha ligasaun objetu ba krime sira ne’ebé mosu. (Jxy)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 206
  • Page views today : 266
  • Total visitors : 78,212
  • Total page view: 109,577

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur