Notísia foun


DILI—Ministériu Interior deteta kazu hamutuk lima kona-ba kobransa illegal iha Servisu Migrasaun. No nia prosesu agora tama ona iha Komisaun Antí Korrupsaun (KAK) hodi halo investigasaun.

Ministru Defeza no Ministru Interior Interinu, Filomeno Paixão hatete, kazu lima ne’e komete husi pesoal sira iha instituisaun ne’e.

“Ami prosesa. Ha’u iha sinco kazus ona mak ba KAK.” Paixão informa asuntu ne’e ba jornalista sira iha Ministériu Finansas, Ai-Tarak Laran-Dili, segunda (06/01).

Nia rekoñese, kazu hirak ne’e ho fasil akontese tanba falla iha sistema.

“Kerdizér Migrasaun ne’e iha. Iha tanba sistema la  ajuda.” Paixão hatete.

Governante ne’e admite katak, tenke instala kamera CCTV no instala sistema dijitalizasaun iha fatin sira ne’ebé pesoál migrasaun sira servisu, nune’e evita aktu sira hanesan ne’e.

“Tenke iha CCTV iha fatin sira ne’ebé sira kobra osan no buat hotu tenke hatama ba dizital, kuandu dizital laiha, ida-idak simu osan nia tau ba iha kofre ou nia tau ba nia bolsu.”  Paixão dehan.

Tuir Paixão, atu evita aktu sira hanesan labele kontinua mosu beibeik hodi hatún imajen nasaun.  Nia parte orienta sosa ona ekipamentu hodi monta ka instala iha fatin sira ne’ebé mak pesoál migrasaun sira serbisu ba.

“Ekipamentu haruka hola tiha ona, neste momentu sei iha prosesu hela,” Governante ne’e subliña. (jry)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 932
  • Page views today : 1,165
  • Total visitors : 84,779
  • Total page view: 118,972

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur