Notísia foun

Mandatory Credit: Photo by Antonio Dasiparu/EPA-EFE/Shutterstock (9714888a) Arao Noe de Jesus Inauguration for new Parliament members in Dili, Timor-Leste – 13 Jun 2018 Newly pointed East Timorese Parliament Chairman Arao Noe de Jesus talks to journalists during an inauguration ceremony for new parliament members in Dili, East Timor, also known as Timor Leste, 13 June 2018. According to media reports, The Parliamentary Majority Alliance (AMP) with three political parties led by the National Congress for Timorese Reconstruction (CNRT) secured a majority in the parliamentary election.

DILI—Parlamentu Nasionál (PN) halo tiha ona aprovasaun ba kalendáriu audénsia komisaun ida-idak to’o submisaun relatóriu pareser sektoriais husi komisaun neen ba komisaun C, aprejenta ba plenáia, debate no halo aprovasaun finál global ba Proposta Lei (PPL) Orsamentu Jerál Estadu (OJE) 2020 nian, ne’ebe parlamentu nasional simu iha loron Kinta (19/12/2019)  ho total billaun $1.6.

Tuir kalendáriu ne’ebé aprova ona, audiensia iha komisaun ida-idak sei hahú iha loron, Segunda, 6/1/2020 to’o Kinta, 9/1/2020, no Sesta, 10/1/2020 submisaun relatóriu pareser sektoriais husi komisaun neen (6) seluk ba Komisaun C.

Iha loron Domingu to’o Segunda, 12-13/1/2020 preparasaun relatóriu, parser no aprovasaun relatóriu pareser Komisaun C no iha loron Tersa, 14/1/2020 submisaun relatóriu parser Komisaun C ba Meza Parlamentu Nasionál.

Nune’e, iha loron Kuarta to’o Sesta, 15 – 17/1/2020 debate no aprovasaun iha jeneralidade iha plenária. No hahú iha loron Segunda, 20 to’o 30/1/2020 debate no aprovasaun finál global.

Ikus liu iha loron Sesta, 31/1/2020 aprovasaun redasaun final iha Komisaun C no hato’o ba Prezidente ParlamentuNasionál no no enkamiña ba Prezidente Repúblika hodi hetan promulgasaun.

Prezidente Parlamentu Nasionál, Arão Noe haktuir, kalendáriu ne’ebé nia parte halo aprovasaun ne’e bazeia ba governu nia PPL OJE 2020 nian ba parlamentu nasionál ho karater urjénsia.

“Governu aprezenta PPL OJE 2020 ho karater urjénsia, tanba ne’e, tempu ba audiensia reduz tiha,” Prezidente Arão subliña.

Governu Hamenus OJE 2020 ba Billaun $1.6

Entretantu governu liuhusi Konsellu Ministru aprova ona proposta Orsamentu Jeral Estadu (OJE) foun ba tinan 2020, iha loron Kinta (19/12/2019)  ho total billaun $1.6.

Total OJE ne’e, (despeza públika estimada tuir orden $1.668 millaun / millaun rihun ida atus-neen neen-nulu resin-ualu) inklui reseita ne’ebé mai husi RAEOA/ZEEMS, UE no Empréstimu, hodi kobre ba nesesidade tomak programa no prioridade nasional sira ne’ebé governu daualu define ona.

Husi valór ne’e, sei aloka ba saláriu no vensimentu $235,610, aloka ba bens no servisu $583,800, aloka ba transferénsia públika $328,206 no aloka ba capital dezenvolvimentu $31,488,837.

Proposta foun ne’e mosu tanba governu iha loron 6/12/2019 retira proposta inísiu ho total billaun $1.95 husi parlamentu nasional tanba haree ba nesesidade prinsipál husi orsamentu nian ba nasaun no preokupasaun husi deputadu sira Parlamentu Nasionál nian, hanesan hakerek iha relatóriu sira ne’ebé aprezenta ona.

Durante governu halo revizaun no halo versaun foun husi proposta ne’e no tuir ajenda haruka ba Parlamentu Nasionál iha loron 13/12/2019, maibé governu husu prolonga tempu maka haruka ba parlamentu nasional iha loron 19/12/2019. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,035
  • Page views today : 1,417
  • Total visitors : 143,492
  • Total page view: 205,510

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur