Notísia foun


DILI—Joven ida mate hafoin evakua husi fatin akontesimentu ba Hospital Nacional Guido Valadares (HNGV), Bidau, Dili, Segunda (23/12/2019), hodikalan oras, maizumenus tuku 11 liu.

Motivu husi insidente ne’e diskonfia joven lubuk ida inklui vítima hemu tua hamutuk, haksesuk malu to’o baku malu.

Liu minutu hira polísia to’o iha fatin akontesimentu hodi kaptura kedas joven ida ne’ebé deskonfia hanesan autor ba kazu ne’e.

Tuir sasin ne’ebé lakohi temi nia identidade ba Timor Post haktuir, vítima hanesan vendedor iha duni merkadu Taibessi.

Tuir observasaun Timor Post iha fatin akontesimentu haktuir, ema hotu iha merkadu laran pániku. Polísia pasa revista ba movimentasaun iha merkadu hodi evita krime seluk hafoin akontesimentu ne’e.

Jornalista Timor Post kontinua halo observasaun iha fatin akontesimentu no sei konfrma ho parte polísia no autoridade lokál sira kona-ba motive lolo’os husi insidente ne’e no sei konfirma kona-ba identidade husi vítima rasik. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 336
  • Page views today : 392
  • Total visitors : 77,712
  • Total page view: 108,857

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur