Notísia foun


DILI—Governu daualu lideradu Primeiru Ministru Taur Matan Ruak liuhusi Konsellu Ministru aprova tiha ona proposta Orsamentu Jerál Estadu (OJE) foun ba tinan fiskal 2020 nian, iha loron 19/12/2019, ho total billaun 1.6.

Tuir ajenda, iha loron ne’e parte lorokraik governu haruka ba Parlamentu Nasionál.

Nune’e, Prezidente Parlamentu Nasionál, Arão Noe klarifika, bainhira nia parte simu ona proposta lei ne’e, tama fali ona iha paralementu nasionál nia servisu, maibé depende ba pedidu husi governu ho karater normal ka urjénsia.

“Parlamentu nasional simu lei foun depende ba pedidu husi governu ne’e karater normal ka urjénsia,” Arão esplika.

Se karater normal maka, Arão haktuir, ajenda tenki tuir rejimentu loron 15 ba komisaun ida-idak halo audiénsia no aprezenta relatóriu pareser sektorial ba komisaun C ne’ebé trata ba assuntu finansas no ekonomia.

“Loron lima ba komisaun C halo relatóriu no pareser final no aprezenta ba plenária, ajenda ba debate jeneralidade loron 3 no espesialidade loron 10,” Arão hatutan.

Se governu apresenta lei OGE 2020 ne’e ho pedidu karater urjénsia maka, parlamentu nasional sei reduz loron audiénsia no relatóriu pareser, maibé debate iha jenaridade loron 3 no plenária loron 10 mantein.

Entretantu governu liuhusi Konsellu Ministru aprova ona proposta Orsamentu Jeral Estadu (OJE) foun ba tinan 2020, iha loron Kinta (19/12/2019)  ho total billaun $1.6.

Total OJE ne’e, (despeza públika estimada tuir orden $1.668 millaun / millaun rihun ida atus-neen neen-nulu resin-ualu) inklui reseita ne’ebé mai husi RAEOA/ZEEMS, UE no Empréstimu, hodi kobre ba nesesidade tomak programa no prioridade nasional sira ne’ebé governu daualu define ona.

Husi valór ne’e, sei aloka ba saláriu no vensimentu $235,610, aloka ba bens no servisu $583,800, aloka ba transferénsia públika $328,206 no aloka ba capital dezenvolvimentu $31,488,837. (cao)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 762
  • Page views today : 971
  • Total visitors : 44,406
  • Total page view: 60,302

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur