Notísia foun

Foto Hamutuk. Foto Midia MEJD

DILI—Primeiru-Ministru Taur Matan Ruak halo despedida ba Ekipa Estudante Nasional Timor-Leste nian ba International Junior Science Olympiad 2019 iha Doha, Qatar.

Komunikadu ba imprensa ne’ebé Timor Post asesu haktuir, serimonia despedida ba estudante potensial Timoroan nain 6 ne’e halao iha Palacio do Governo, akompaña mos hosi Ministra da Educação, Juventude e Deporto, Dulce de Jesus Soares.

Durante serimonia, Xefe Governu agradese ba esforsu hosi Ministerio da Edukasaun, hato’o parabems no orgullu tebes ba estudante Timoroan sira ne’ebe hatudu sira nia matenek iha siensia, liu-liu siensia matematika. Xefe Governu husu ba Ekipa Nasional Timoroan ne’e atu unidus, matenek, no mantein kalma durante kompetisaun, atu nune’e bele atinje resultadu diak. “Agradese ba Ministerio Educação nia esforsu hodi imi ba tuir kompetisaun inernasional ida ne’e. Hau orgullu tebes ho imi nia matenek, nune’e imi tenki unidus, ba kompete ho matenek, laran mos, no mantein kalma, atu bele hetan rezultadu diak ba Timor-Leste.” Dehan  Primeiro-Ministru Taur Matan Ruak.

Ekipa nasional Timoroan ba Olimpiade Siensia ne’e kompostu hosi estudante Timoroan potensial nain ne’e. Antes haforsa ekipa nasional Timoroan nian, sira nain ne’e tenki ultrapasa faze selesaun 2 ne’ebe tais konkorente sira hosi ema atus tun mai nain 20 no ikus faze ikus liu tun mai sira nain 6 hodi reprezenta Timor-Leste iha Doha, Qatar.

Ekipa Nasional Timor-Leste ne’e kompostu hosi estudante Ensinu Báziku na’in-6 no akompaña mos ho manorin siénsia na’in-3 hosi Sentru Estudu Siénsia no Matemátika (SESIM) Timor-Leste. Ekipa ne’e sei kompete ho konkorente seluk hosi nasaun 70 durante loron 10 (3-12/12/2019). Olimpiade ne’e mak momentum ida atu sukat sira-nia koñesimentu prátiku kona-ba siénsia. MEJD fó parabens ba sira na’in-6, ne’ebe konsege hatudu matenek hodi ultrapasa duni faze selesaun rigoriozu oin 2, antes sai membru ekipa nasional TL nian. Membru sira nain-6 ne’e mak hanesan: Carlos da Costa Fernandes da Graça-EB São Inácio Loiola, Cassait, Livania Mariazinha da Graça Lativio-EB São Inácio Loiola, Cassait, Mariça Elizabeth Katzman Ximenes-Dili International School, Micia Correia Gusmão-Dili International School, Olga da Costa Araujo-EB São Inácio Loiola, Cassait, Valentinho Maria Quintas da Costa-EB São António Baucau.

MEJD gasta ona $34.000 ba ekipa TL nia partisipasaun iha olimpiade ne’e, maske primeiraves partisipa iha eventu id ne’e, maibe MEJD komprometidu tebes atu utiliza Orsamento Geral Estado (OGE) ho responsabilidade liu tan, hodi nune’e bele fasilita estudante Timoroan sira ho diak liu tan ba kompete iha eventu internasionál barak liu tan, ho nune’e bele dezenvolve sira-nia abilidade akadémiku, artístiku, no mos abilidade sosiál.

Estudante Timoroan nain 6 ne’ebe representa Timor-Leste sorte tebes tanba International Junior Science Olympiad 2019 sai biban bot, loke no habelar sira nia rede serbisu (networking), habiban sira fahe informasaunba malu, troka ideia kona-ba topiku sira no haluan liu tan sira nia kuinesimentu no matenek. Olimpiade siensia ne’e mos sei oferese presente barak ba vensedor sira, hametin koperasaun entre país partispante sira, no liu-liu fasilita talentu sira hosi nasaun hotu-hotu sai besik malu liu tan atraves hosi siensia. (Mídia MEJD)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,022
  • Page views today : 1,479
  • Total visitors : 146,660
  • Total page view: 210,451

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur